السلام عليكم ورحمة الله ❤️ في البداية أحب اشكرك على مرورك الغالي ❤️ كثير مننا دائما بيعاني في الكتابة والتواصل مع الأصدقاء والآخرين يوميا في محطات ال social media وكلنا يتذكر الميمز بتاعك فضل يعمل لي typing وفي الاخر كتب لي كلمني صوت مش عارف اكتب بسرعة وفي ناس اصلا تبقى معاك زي الحلاوة في التواصل الطبيعي فيس تو فيس بس بتلاقي واحد تاني لما تيجي تكلمه واتس ولا ماسنجر ولا اي برنامج تاني تناكة الدنيا والآخرة ويشوف الرسالة وما يردش بتحس عنده إمساك ولا حاجة شفاك الله يا مولانا ☺️☺️😂👀
المهم بقى نخش في الموضوع ايه هو معلش نسيت ايوة افتكرت 🤓🤓.
لوحة المفاتيح في موبايلك أصبحت شئ مهم جدا في حياتنا اليومية وعشان كده بيكون قدامك اختيارات صعبة وكلها مش عملي عندك مثلا لوحة المفاتيح بتاعت الايفون من وجهة نظري حاجة مستفزة جدا ولا فيها سهولة في التعامل ولا فيها predictions سهلة تعرف تدوس عليها من أول حرف في الكلمة وانت بتكتب خالص نهائي آخره يصحح لك الكلمة لو فيها خطأ إملائي ايه كمان اه عندك لوحة مفاتيح جوجل سامسونج واواي اونر كلها كبيرة والحروف مش موزعة قدام عينك وايديك بسهولة وما فيهاش الاوبشنز اللي هاقولها في لوحة المفاتيح بتاعت SwiftKey. المشكلة انها لوحة تحكم جميلة بس مش واخدة حقها في الشهرة يلا بينا نستعرض المميزات.

اولا القدرة على التنبؤ السريع والمريح بكلامك اللي عايز تكتبه وخصوصا مع طول استعمالك تحسها يتحفظ كلامك ويا سلام لو دخلت الاكونت بتاعك جي ميل ولا فيس بوك بيكون جميل لما تحب تنزله في اكتر من جوال ليك او تاب مثلا.
المهم إن سهولة الكتابة هتخليك تحب تكتب من عليه اكتر من لوحة المفاتيح بتاعت اللاب توب مثلا لأنه عنده مفردات الموضوع وبضغطت زر هتكتب كثير وأسرع شوية من اللاب توب طبعا.
ميزة تانية
إضافة صورة والوان على كيفك تقدر تقول إمكانيات كبيرة في Themes
وإضافة كزا لغة عربي انجليزي واي لغة تاني تعرف تنزلها
عندك إحصائيات للكلام اللي ساعدك في التنبؤ بيه واحصائيات تاني مش مهمة بس بتوريك قد ايه اللوحة مركزة معاك
حاجة تاني بقى لمستعملي الايفون او iOS الكيبورد في الايفون اسهل واحلى من الاندرويد سيكا يعني فرق تجربة بس مش الفرق الكبير توزيع الحروف بس بيكون اسهل شوية في الios
إن شاء الله هتسهل عليك وتخليك تنسي تستعمل اي لوحة تاني
اتمنى اكون ساعدتك وفيدتك
وشكرا جزيلا 🍀
#AlQanas